Гэты дзень з’яўляецца трыста дваццаць пятым па грыгарыянскім календары, да канца года застаецца 40 дзён.
Сёння адзначаецца Сусветны дзень прывітанняў, а таксама Сусветны дзень тэлебачання.
Гістарычныя падзеі 21 лістапада
У 1910 годзе ў Мінску быў асвечаны касцёл Святога Сымона і Святой Алены.
У 1926 годзе быў створаны Другі Беларускі дзяржаўны тэатр (БДТ-2), зараз Нацыянальны акадэмічны драматычны тэатр імя Якуба Коласа.
Хто нарадзіўся 21 лістапада
1869 год: Казімір Стаброўскі, беларускі жывапісец, педагог.
1925 год: Сямён Герус, беларускі графік.
Таксама сёння нарадзіліся французскі філосаф Вальтэр і ісландская спявачка Б’ёрк.
21 лістапада ў народным календары
Сёння адзначаецца Сабор Архістратыга Міхаіла і іншых нябесных сіл бясплотных. Архангел Міхаіл лічыўся заступнікам ад грому. У гэты дзень унукі наведвалі сваіх бабуль і ўвогуле хадзілі адзін да аднаго ў госці. З Міхайлава дня ў асобных раёнах Беларусі жывёлу заганялі на зіму ў хлеў. Звычайна на Міхайлаў дзень бывае пацяпленне. У народзе казалі: «На Міхайлу раздарожжа – да зімовага Міколы шляху не будзе». Дзень Міколы наступаў амаль праз месяц. Калі ранкам на Міхайлу быў мароз, лічылася, што ў снежні і студзені будзе шмат снегу. Туман жа сведчыў пра адлігу.
Sputnik