Гэты дзень з’яўляецца трыста чатырнаццатым па грыгарыянскім календары, да канца года застаецца 51 дзень. Сёння святкуецца Сусветны дзень моладзі, Сусветны дзень навукі за мір і развіццё, а таксама Міжнародны дзень бухгалтара.
Гістарычныя падзеі 10 лістапада
У 1974 годзе адбыўся пуск першага тралейбуса ў Гродна.
Хто нарадзіўся 10 лістапада
1749 год: Мацей Радзівіл, драматург, кампазітар, аўтар лібрэта аперэт.
1910 год: Змітрок Астапенка, беларускі паэт і празаік.
1934 год: Іван Курбека, беларускі паэт, музейшчык, кампазітар.
Таксама сёння нарадзіліся рэфарматар царквы Марцін Лютэр, нямецкі паэт, філосаф, гісторык і драматург Фрыдрых Шылер, расійскі канструктар стралковай зброі Міхаіл Калашнікаў.
10 лістапада ў народным календары
Сёння Праваслаўная царква шануе памяць святой Параскевы. Яна лічыцца заступніцай жанчын, у народзе святую празвалі Параскева Пятніца. Абраз Параскевы ўпрыгожвалі ручнікамі і кветкамі, верылі, што ручнік пасля гэтага набывае гаючую сілу. Пасля малітвы ім выціралі твар. У гэты дзень жанчыны не пралі і не ткалі: існавала павер’е, што Параскева Пятніца сама ходзіць па вёсцы ў выглядзе старой і сочыць, каб ніхто не праў. Але шыць і вышываць было дазволена, і дзяўчыны збіраліся на вячоркі. Таксама верылі, што калі памаліцца святой Параскеве, хутка прыйдзе жаніх. Калі ў гэты дзень туман – будзе адліга. Шэрань на дрэвах, наадварот, абяцае маразы.
Sputnik
