Гэты дзень з’яўляецца трынаццатым па грыгарыянскім календары, а да канца года засталося 353 дні.
Гістарычныя падзеі 13 студзеня
У 1819 годзе Расія ўвяла дзяржаўную манаполію на продаж спіртнога.
Хто нарадзіўся 13 студзеня
1893 год: Хаім Суцін, французскі мастак-экспрэсіяніст беларускага паходжання.
Таксама сёння нарадзіўся брытанскі кінаакцёр Арланда Блум.
13 студзеня ў народным календары
Сёння праваслаўныя вернікі шануюць памяць святой Меланіі Малодшай. У народзе 13 студзеня называюць Шчодры вечар або Васільева каляда. Па старым стылі гэта было пярэдадне Новага году – Васільева дня. У гэты дзень багата накрывалі сталы – адсюль і прымаўка: «Як на Маланніна вяселле». Перад Старым Новым годам таксама хадзілі калядоўшчыкі, або, як іх яшчэ называлі, шчадроўшчыкі. Калі ў гэты дзень было цёплае надвор’е, лічылася, што лета будзе дажджлівае. Затое холад і шэрань прадракалі багаты ўраджай. Sputnik
