Гэты дзень з’яўляецца трыста пяцьдзесят дзевятым па грыгарыянскім календары, да канца года застаецца 6 дзён.
Сёння святкуецца Раство Хрыстова ў каталіцкіх цэрквах.
Гістарычныя падзеі 25 снежня
У 336 годзе адбылося першае дакументальна пацверджанае святкаванне Раства Хрыстова ў Рыме.
У 1795 годзе была створана Слонімская губерня.
У 1939 годзе пастановай Саўнаркама БССР Белавежская пушча аб’яўлена дзяржаўным запаведнікам.
У 1962 годзе горад Дрыса Віцебскай вобласці атрымаў назву Верхнядзвінск.
У 1991 годзе Міхаіл Гарбачоў пайшоў у адстаўку з пасады прэзідэнта СССР.
У 2003 годзе на тэрыторыі Нацыянальнага парку «Белавежская пушча» пачала працаваць рэзідэнцыя Дзеда Мароза.
Хто нарадзіўся 25 снежня
1918 год: Зінаіда Канапелька, беларуская актрыса.
1891 год: Уладзіслава Луцэвіч, літаратуразнаўца, жонка Янкі Купалы.
Таксама сёння нарадзіўся расійскі акцёр Уладзіслаў Галкін.
25 снежня ў народным календары
Каталікі сёння святкуют Раство Хрыстова, а Праваслаўная царква шануе памяць хрысціянскага святога Спірыдона Трыміфунтскага. Ён здзейсніў шмат цудаў, у тым ліку ацаляў і ўваскрашаў людзей. Лічылася, што з 25 снежня дзень хоць і крыху, але прыбаўляецца. Каб дрэвы ў садзе лепей раслі, гаспадары абтрасалі з галінак снег. Галінкі вішні ставілі ў гаршчок. Калі яны распускаліся да Раства, гэта было добрай прыкметай – ураджай вішань будзе багаты. Калі ў гэты дзень яснае неба, то і на Новы год будзе добрае надвор’е. Калі вераб’і збіраюць пух і нясуць у гняздо, хутка пахаладае.
Sputnik
