Гэты дзень з’яўляецца сто пяцьдзясят першым па грыгарыянскім календары, да канца года засталося 214 дзён.
Сёння адзначаецца Сусветны дзень без тытуню. Якія яшчэ падзеі адбыліся 31 мая і чым азнаменаваны гэты дзень у народным календары.
Гістарычныя падзеі 31 мая
У 1919 годзе ў Варшаве створана Польска-беларускае таварыства.
У 2008 годзе ў Полацку адкрыты памятны знак «Геаграфічны цэнтр Еўропы».
Хто нарадзіўся 31 мая
1952 год: Тамара Чабан, беларускі літаратуразнавец.
1954 год: Сяргей Балянок, беларускі графік і мастак.
Таксама сёння нарадзіліся рускі пісьменнік Канстанцін Паустоўскі і рускі музыкант Уладзімір Кузьмін.
31 мая ў народным календары
Сёння праваслаўныя вернікі шануюць памяць пакутніка Феадота Анкірскага і сямі дзеў пакутніц.
Святога Феадота ў народзе празвалі Фядот Дубоўнік, таму што ў гэты дзень на дубах пачынала разгортвацца лісце. Свята таксама насіла і іншую назву – Фядот Аўсянік. Лічылася, што калі дубы паспелі зазелянець, будзе добры ўраджай аўса.
Калі дуб зазелянеў раней, чым ясень, лета будзе сухое. Яблыні яшчэ квітнеюць – восень будзе позняя. Калі ад зямлі падымаецца пара, будзе дождж.
Sputnik
