Гэты дзень з’яўляецца пяцьдзясят сёмым па грыгарыянскім календары, таму да канца года засталося 308 дзён.
Якія падзеі адбыліся 26 лютага і чым азнаменаваны гэты дзень у народным календары.
Гістарычныя падзеі 26 лютага
У 1932 годзе ў Мінску пачала выдавацца газета «Літаратура і мастацтва».
У 1992 годзе Беларусь і Фінляндыя ўстанавілі дыпламатычныя адносіны.
Хто нарадзіўся 26 лютага
1912 год: Уладзімір Карпаў, беларускі пісьменнік.
1929 год: Георгій Колас, беларускі пісьменнік.
Таксама сёння нарадзіліся французскі пісьменнік Віктор Гюго і рускі пісьменнік Аляксандр Праханаў.
26 лютага ў народным календары
Маслёнка ў самым разгары. У сераду, якая здаўна насіла назву «ласун«, ласавацца было неабходна столькі, колькі магчыма. Цешчы ў гэты дзень запрашалі на пасядзелкі сваіх зяцёў – «да цешчы на бліны«.
Таксама сёння праваслаўныя вернікі шануюць памяць вялебнага Марцініана Палесцінскага, якога ў народзе называюць Мартын ці Марцін, і Стэфана Неманя, або ў народзе – Сцяпана.
Святому Мартыну моляцца пра збаўленне ад спакус, асабліва – жаночых. Таксама гэты дзень лічыўся добрым, каб прыбраць у хаце – гэта абяцала дабрабыт і поспех у справах.
Калі снег у гэты дзень пачаў раставаць, вясна будзе цёплая. Пахмурны дзень, наадварот, абвяшчае пра познюю і халодную вясну.
Sputnik
