Гэты дзень з’яўляецца сто трыццаць сёмым па грыгарыянскім календары, да канца года засталося 229 дзён.
Гістарычныя падзеі 16 мая
У 1674 годзе Ян Сабескі быў абраны каралём польскім і вялікім князем літоўскім.
У 1686 годзе паміж Расіяй і Рэччу Паспалітай падпісаны «вечны мір», Расія атрымала Смаленшчыну, Чарнігаўшчыну і Кіеў.
У 1889 годзе была ўпершыню апублікавана паэма «Тарас на Парнасе» (у газеце «Минский листок»).
У 1986 годзе ў Гродна быў адкрыты Дом-музей Максіма Багдановіча.
Хто нарадзіўся 16 мая
1911 год: Васіль Вітка, класік беларускай дзіцячай літаратуры.
1955 год: Вольга Корбут, гімнастка, чатырохразовая алімпійская чэмпіёнка
Таксама сёння нарадзіліся рускі паэт Ігар Севяранін, а таксама амерыканская кінаактрыса Меган Фокс.
16 мая ў народным календары
Сёння праваслаўныя вернікі шануюць памяць пакутнікаў Цімафея і Маўры.
У народзе гэты дзень называлі Маўра Малочніца, таму што ў кароў, якія ўдосталь наеліся травы, з’яўлялася шмат малака.
16 мая лічыцца днём, добрым для высадкі расады капусты ў глебу. У гародзе ўжо з’явілася шчаўе, крапіва і лебяда – травы, з якіх у Беларусі варылі бацвінне, калі не было капусты.
Калі ў гэты дзень было шмат расы, чакаецца добры ўраджай агуркоў.
Sputnik
