Гэты дзень з’яўляецца пяцьдзесят шостым па грыгарыянскім календары, таму да канца года засталося 310 дзён.
Гістарычныя падзеі 25 лютага
У 1910 годзе адбылася знакамітая «Беларуская вечэрынка» ў Вільні з удзелам шматлікіх культурных дзеячаў тагачаснай Беларусі.
Сёння ўпершыню ў гісторыі суверэннай Беларусі праходзіць Адзіны дзень галасавання.
Хто нарадзіўся 25 лютага
1909 год: Сяргей Дарожны, беларускі паэт, культурны дзеяч.
1953 год: Васіль Касцючэнка, беларускі мастак-жывапісец.
1957 год: Алесь Пісьмянкоў, беларускі паэт.
Таксама сёння нарадзіліся французскі мастак-імпрэсіяніст П’ер Агюст Рэнуар і украінская пісьменніца Леся Украінка.
25 лютага ў народным календары
Сёння праваслаўныя вернікі шануюць памяць мітрапаліта Аляксея і епіскапа Мялеція Харкаўскага і Ахтырскага.
У народзе гэты дзень лічылі добрым, каб вылячыць спалох – для гэтага хадзілі самі і насілі дзяцей да знахараў.
Чым халадней у гэты дзень і на наступны тыдзень, тым цяплей будзе сакавік. Туман або галалёдзіца прадвяшчаюць дажджлівае лета.
Sputnik
