Згодна з традыцыяй, на працягу актавы ўспаміну ўсіх памерлых, якая працягваецца з 1 па 8 лістапада, вернікі наведваюць касцёл і могілкі дзе моляцца за памерлых.
Наведваючы могілкі вернікі запальваюць на магілах свечкі (лампадкі) — сімвал Уваскрослага Хрыста, малітвы і любові.
Вернікі і іншыя людзі, які жадаюць у гэтыя асаблівыя дні маліцца за памерлых прыносяць у Касцёл выпамінкі (спісы з імёнамі памерлых), якія зачытваюцца падчас адмысловых набажэнстваў у Касцёлах.
Тое, што мы можам даць памерлым, — гэта наша малітва, якая з’яўляецца ўдзячнасцю за любоў нашых блізкіх і за ўсё добрае, што яны ўчынілі тут, на зямлі. Актава ўспаміну ўсіх памерлых — асаблівы час для кожнага хрысціяніна. У гэтыя дні ўвесь Касцёл у адзін голас моліцца за памерлых, заклікаючы да Божай міласэрнасці.
Расклад набажэнстваў і малітваў на могілках і ў касцёле г. Нароўлі і Нараўлянскага раёна:
1 лістапада — урачыстасць Усіх Святых:
10.30 — святая Імша ў касцёле в. Грушаўка.
19.00 — святая Імша ў касцёле г. Нароўля.
2 лістапада — успамін Усіх памерлых вернікаў:
8.30 — святая Імша і чытанне выпамінак за памерлых у касцёле г. Нароўля.
9.45 — малітва на гарадскіх могілках Нароўлі.
11.00 — малітва на могілках у в. Мальцы.
11.45 — малітва на могілках у в. Лубень;
13.00 — святая Імша і чытанне выпамінак за памерлых у касцёле в. Грушаўка. Затым малітва на мясцовых могілках.
3 лістапада:
10.30 — малітва за памерлых у касцёле г. Нароўля, а ў 11.00 — святая Імша.
4 — 6 лістапада:
19.00 — святая Імша і выпамінкі за памерлых у касцёле (Нароўля). Затым малітва на старых могілках.
7 — 8 лістапада:
11.00 — святая Імша і выпамінкі за памерлых у касцёле (Нароўля). Затым малітва на старых могілках.
Ксёндз Януш Чарнамораў пробашч парафіі Узвышэння Святога Крыжа ў Нароўлі
